अनन्त श्रीविभूषित जगद्गुरु श्रीनिम्बार्काचार्यपीठाधीश्वर
श्री श्रीजी श्रीसर्वेश्वरशरणदेवाचार्यजी महाराज कृत॥
श्रीगोपीजनवल्लभाष्टकस्तोत्रम् ॥
नवाम्बुदानीक-मनोहराय प्रफुल्लराजीव-विलोचनाय ।
वेणुस्वनाऽऽमोदितगोकुलाय नमोस्तु गोपीजनवल्लभाय ।।१
किरीट-केयूर-विभूषिताय ग्रैवेय-मालामणि-रञ्जिताय ।
स्फुरल्लसत्कांचन-कुण्डलाय-नमोस्तु गोपीजनवल्लभाय ॥२
दिव्याङ्गनावृन्दनिषेविताय स्मितप्रभाचारुमुखाम्बुजाय ।
त्रैलोक्यसंमोहन-सुन्दराय नमोस्तु गोपीजनवल्लभाय ॥३॥
रत्नाद्रिालालयसंगताय कल्पद्रुमच्छायकृतासनाय ।
हेमस्फुरन्मण्डपमध्यगाय नमोस्तु गोपीजनवल्लभाय ॥४॥
श्रीवत्सरोमावलिरंजिताय वक्षस्थले कौस्तुभभासिताय ।
सरोजकिंजल्कनिभांशुकाय नमोस्तु गोपीजनवल्लभाय ॥५॥
दिव्याङ्गुलीयांगुलिरंजिताय मयूरपिच्छच्छविशोभिताय ।
दिव्याम्वरालंकृत-विग्रहाय नमोस्तु गोपीजनवल्लभाय ॥६॥
मुनीन्द्रवृन्दैर्विधि-संस्तुताय रक्षोगणाद्गोकुलरक्षकाय ।
धर्मार्थकामामृतसाधनाय नमोस्तु गोपीजनवल्लभाय ॥७॥
मनस्तमस्तोमदिवाकराय भक्तेष्टचिन्तामणिसन्निभाय ।
अशेषदुर्नामजभेषजाय नमोस्तु गोपीजनवल्लभाय ॥८॥
जय श्री राधेशयम !!
[ हर क्षण जपते रहिये ]
Join Telegram
0 Comments
You Can Ask Here About Sampraday